Адкрыла дзень урачыстая лінейка «Нашы сімвалы – наш гонар». Сімвалы – гэта памяць пакаленняў. Яны ўвабралі ў сябе ўсё самае лепшае, што было ў гісторыі беларускага народа. Віктарына «Скарбы роднага краю» даказала гэта.
Лета – гарачая пара. Гарачая яна і для супрацоўнікаў пажарнай аховы. Пазнавальна-гульнёвая праграма «Агонь – сябар, агонь – вораг» расказала дзецям, чаму агонь можа быць небяспечным і як зберагчы сябе і сваіх блізкіх. Пасля выхаванцы пагулялі, паспаборнічалі ў кемлівасці. Завяршыла дзень творчая майстэрня «Чароўны куфэрак».