Дзень, поўны прыгод, распачаўся спартыўным святам «Ведай нашых». А пасля Несцерка і яго сябры адправіліся на экскурсію ў школьны музей баявой славы аг. Здзітава. Падчас экскурсіі дзеці пазнаёміліся з гісторыяй стварэння музея, асноўнымі экспанатамі, узорамі абмундзіравання салдат, некаторыя з іх нават прымералі на сябе. А пасля юныя турысты прынялі ўдзел у спаборніцтвах па спартыўным арыентаванні «Знаўцы прыроды».
Час праляцеў вельмі хутка. Выхаванцы, задаволеныя, поўныя ўражанняў, вярталіся дадому, дзе іх чакала акадэмія творчасці «Вянок беларускіх танцаў. Бульба». Дзеці атрымалі масу станоўчых эмоцый і зарадзіліся цудоўным настроем.
Аздараўленчы лагер «Юны турыст» працягвае здзіўляць сваіх выхаванцаў і адкрываць новыя старонкі кнігі мудрасці продкаў.