Каб любіць Радзіму, не трэба прыгожых слоў і лозунгаў. Патрыятызм пачынаецца з самага малога — жадання тварыць, імкнення рабіць свой край лепшым і прыгажэйшым. Вучні 5, 8 класаў прынялі ўдзел у акцыі "Тыдзень лесу", прысвечанай Году гістарычнай памяці. Удзел у акцыі — гэта цудоўная магчымасць не толькі правесці час на свежым паветры, але і прынесці значную карысць грамадству. Колькі часу і сіл трэба для таго, каб вырасціць дрэва! Таму і стараліся ўдзельнікі акцыі, каб усе саджанцы, якія трапілі ў зямлю, не засохлі, а ператварыліся ў магутныя дрэвы.