Чарговы дзень у лагеры «Юны турыст» распачаўся пазнавальным турнірам «Знаўцы дарожнай азбукі». А пасля выхаванцы сталі сапраўднымі даследчыкамі і адкрывальнікамі. Літаратурна-краязнаўчая гасцёўня «Вытокі Башты»: рысы да партрэта сяла «Чаму так вуліцу завуць?» пазнаёміла з гісторыяй малой радзімы і яе знакамітымі землякамі. Затым дзеці адправіліся ў захапляльнае падарожжа па гістарычных месцах Беларусі. Экскурс «Традыцыі, невядомыя нам» вярнуў у мінулае нашай Бацькаўшчыны. Няма высакародней місіі, чым захаванне гістарычнай памяці ў імя светлай будучыні.
