Выхаванцы аздараўленчага лагера «Юны турыст» разам са сваім сябрам Несцеркам працягваюць пошукі спрадвечнага скарба беларусаў – Спадчыннай кнігі.
Нам, беларусам, засталася багатая і невычэрпная спадчына, у тым ліку і народнае мастацтва – адно з самых традыцыйных відаў нацыянальнай культуры. У народным дэкаратыўна-прыкладным мастацтве ўвасобілася неабдымная, вечна жывая душа народа, яго багаты, назапашаны стагоддзямі практычны вопыт і эстэтычны густ.
Сёння выхаванцы прынялі ўдзел у майстар-класе «Што люблю, тое і раблю. У свеце фарбаў», затым развівалі творчыя здольнасці падчас КТС «Дыван адзінства». Пабывалі дзеці ў гасцях у майстра лозапляцення, дзе пазнаёміліся з цудамі народнага мастацтва і некаторымі сакрэтамі старажытнага рамяства.
Старонка «Народныя рамёствы» ў скарбонцы лагера!
