Выхаванцы аздараўленчага лагера «Юны турыст» праводзяць час весела і карысна. Не менш цікавым выдаўся і сённяшні дзень.
Дзеці працягваюць шукаць старонкі Спадчыннай кнігі, каб не толькі вярнуць людзям іх памяць, але і спасцігнуць таямніцу сілы кнігі мудрасці.
«Не саромся, беларус, гаманіць па-свойму – на роднай мове дзядоў і бацькоў сваіх. Шануй сваю мову, шануй свае песні, свае казкі, звычаі і ўсё роднае – гэта спадчына дзядоў і вялікі нацыянальны сарб». (З.Бядуля)
Традыцыі і звычаі – яшчэ адна старонка жыцця беларусаў. Менавіта на яе пошукі адправіліся сёння нашы дзеці.
Адразу пасля сняданка выхаванцаў чакала маса мерапрыемстваў, падрыхтаваных арганізатарамі летняга адпачынку. Лялечны тэатр «Батлейка - батлея - чароўная дзея», экалагічны інтэрактыў «Жывы лес», шоу-праграма «Чароўная пралеска». Даследчая лабараторыя «Юны вучоны» завяршыла чарговы дзень лагернай змены.
Аздараўленчы лагер «Юны турыст» не перастае здзіўляць і забаўляць сваіх выхаванцаў.
